歌手：农夫
农夫係你老死(feat.陈奂仁)农夫歌词

C-Kwan：
对唔住我生嘅第一个BB
其实身为你妈妈都唔想发生呢件事
我真係好过意 过意唔去
我真係好介意 介意唔去
去深圳 返大陆
或者去边度都好
我唔想未够十五岁就要去做人老母呀
你明唔明啫？
唔係话我唔锡你呀
不过我点会知道 点到谂到 点去处置你喎？
我知我有我有去揾过你老豆
但係咁多个
我揾得边个啫
係咪要我秤哂佢地出嚟再抽
你啲脐带血去玛丽医院或者屯门医院check-check
无可能O架嘛
咁多个
咁我咪唯有顺手咁...冲你落厕所
我会掛住你O架
日日想你爱你
虽然我係有错希望你唔会怪我
妈妈字
chorus
gigi：
就好让妈妈带你畅泳去
只要你走出那旋涡我们便可解脱
又让妈妈带你天空飞
从天台出发
可飞往天际
抛低一切 抛下你
只想你知道 关于你的一切
我完全没有预备
C-Kwan：
再一次对唔住 
我真係点都估唔到
沖你落厕所之后四年竟然生多一个细佬
仲要爬出窗台 爬上天台
唔觉意掟咗你落街
虽然去得特别畅快
求你唔好责怪 你妈妈
我十九岁嘅妙龄又点样担起一头家
所谓嘅哎吔爸爸
又多到数都数唔清楚
明媒正娶嗰个
又咁啱入咗戒毒所
我每晚孤伶伶一个人对住四碰墙
所以咪红杏出墙
不过我今次真係知
真係有补救
叫我姊妹一拳拳当我沙包係咁打
我见到一滩血係地下
以为成功落咗你
点知辛苦咁耐发嚟只係一场空欢喜
妈妈会掛住你
日日想你爱你
虽然我係有错希望你再一次原谅我 妈妈字
Gloomy独白
吓 嗰阵得15岁咋喎 点餋啫
之后嗰个
我以为搅掂咗O架啦
点知...唉!咁都要生佢出嚟O架啦
但係 佢老豆同我老公都唔会养佢O架喎
都有啲O架
我谂BB唔会嬲我啩
唔知佢哋而家点呢？
6Wing：
妈妈 妈妈 估唔到
上一次出世嘅见面礼原来就係带我去神奇隧道
唔知沖我去边度嗰度 叫做婴儿地府
佢地话我係10000号
投胎 俾人打尖
等咗几年 鬼咁耐 等待
你信缘份O架呵
妈妈 好似整定要你生我咁噃
妈妈 我係咪又嚟错咗
唔能你想我玩笨猪Jump但係条绳又唔见咗
你唔需要答我 我唔需要答案
我唔会怪你
不过 应承我吖 可唔可以
以后再生一次 唔好再唔要佢
就当为咗我 为咗之前嗰9999个
如果再无10001号 你话几好
chorus