阿爸的虱目鱼-萧煌奇
词：武雄
曲：萧煌奇

彼一年寒冷的冬天寒流来的时
彼一暝伊对梦中雄雄惊醒
靴管笼落去袄仔幔落去
欲去海边巡鱼池
伊讲伊的虱目鱼拢无臭土味
真值钱但是上惊这款天气
若是小可无注意今年就免想过年
伊怨叹客厅内归暗看电视
月初嘟退伍的囝儿
叫伊斗阵去伊嘛无愿意
因为粗重的头路伊无趣味
伊讲无论虱目鱼世界好滋味
有外甜嘛是乎人嫌相多幼刺
青春少年时就爱靠家己
惦庄脚所在赚袂着钱
伊才会决定愈离开决定飞上天
去城市不管序大人按怎好嘴
伊欲赚鱼翅无爱捡鱼刺
为着将来赚大钱只要将来赚大钱
管汰伊阿爸的虱目鱼

彼一年彼场风台雨淹过彼条路
彼下晡伊向天公伯叹一口气
不听别人的阻止铁马骑出去
欲去巡鱼池
伊讲伊的虱目鱼真用心来饲
当值钱偏偏遇到这款天气
如今水拢加淹去满街路四界拢是
伊怨叹伊家己为着虱目鱼
连后生拢赶赶出去
只剩一个人行到水池边
面前的一切也已经拢无意义
伊讲无论虱目鱼世界好滋味
有外甜嘛是需要顶面的支持
饲料彼呢贵又搁歹景气
渔会的政策拢荒废
伊看见水淹彼呢淀四界拢嘛是
伊的鱼亲像是开嘴咧叫伊
叫伊紧放弃叫伊紧返去
伊讲伊有听见
伊讲伊有看见彼暝的梦中的虱目鱼

听讲彼暗的电视
拢有报到伊的名字
无人知最后伊流去叨位
新闻足讽刺画面足趣味
有人惦马路块捞鱼
伊彼个城市的后生
警察来通知彼当时
饮茫茫惦路边甲人相争
伊讲虱目鱼其实拢无刺
人讲伊已经醉伊讲伊无骗你
虱目鱼原本是伊的名字